មណ្ឌលគីរី៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានបញ្ជាទៅឲ្យអាជ្ញាធរឲ្យត្រួតពិនិត្យនិងមានវិធានការទៅលើមេខ្យល់ដែលបំផុសបំផុលប្រជាពលរដ្ឋឲ្យចុះឈ្មោះយកដីសម្បទាន។
សម្ដេចបានលើកឡើងនៅក្នុងពិធីសម្ពោធដាក់ឲ្យប្រើប្រាស់ទំនប់អូតេធិបតី និងទំនប់ពីរទៀតនៅក្នុងខេត្តមណ្ឌលគិរី ព្រឹកថ្ងៃទី២៤ ខែតុលា ឆ្នាំ២០២៤ ដែលបានស្នើឲ្យពលរដ្ឋកុំជឿតាមមេខ្យល់ដែលដើរចុះឈ្មោះប្រជាពលរដ្ឋយកដីសម្បទាននោះ។ខណៈបានបញ្ជាទៅអាជ្ញាធរឲ្យមានវិធានការ។
សម្ដេចថា៖ «អាជ្ញាធរខេត្តត្រូវតែមើលឱ្យច្បាស់»។
សម្ដេចបានលើកឡើងថាការចុះឈ្មោះពលរដ្ឋដើម្បីទទួលយកដីសម្បទានគឺធ្វើឡើងតាមរយៈយន្តការរបស់រដ្ឋតែមួយប៉ុណ្ណោះ៕
